Qui fait
Marot Poëte tant illustre ?
Qui ? (dirés vous
Madame) sa science,
Celà est vray, mais aussy fort l’illustre,
Nostre bon Roy son appuy, qui l’advance.
Si vous plaisoit me prester la main en ce,
Je me tiens seur, qu’aussy je perviendray.
Je ne dy pas qu’un
Marot deviendray,
En mon Esprit cest erreur ne repose.
Mais tel chemin, soubz vostre adveu, tiendray,
Qu’à la parfin je seray quelque chose.